jetzt hani was für alli wake-up-to-a-fucking-surprise-ers, nämli seeeehr hilfrichi und ärztlich nochegwiiseni tips zum läschtigi knutschflägge wägzkriege:
am beliebteschte wär do:
-grad nach ufträtte, für 20 minute eis drufdrugge
-nacheme tag, warms pad druf tue
-mit ere bürschte im gegeurzeigersinn drüberribe
-zahnpaschta druf tue, wenn trocke abriibe
-warms tüechli vo zit zu zit druf tue
odr wenn nüt me hilft:
-eifach sanfter küsse
-dr ganz hals absuuge biser rot isch und allne sage es isch e sunnebrand
-eifach nüt
-makeup
-e rollkrage

jetzt sin mer alli gschiider und wüsse was mer in somene notfall macht ...

sodali, mitlerwile sin mer 19 worde. e gravierende schritt, will jetzt gods mit meile schritte gege 20 zue, sprich: verantwortig, stürezahle, e plan vom läbe ha sölle, erwartige erfülle, sich die nögschte 60 joor mit em ärnscht vom läbe umeschlo and so on ... tönt jo nid grad verlockend oder? einzige vorteil vilicht, me chund ins debaser in stockholm ine, oder ind bar rouge, aber suscht sehnis do noni so ganz.
witers hani mi wohl für e studium etschide. jus (nei nid saft) in schöneeefe aka. Genf, das wär jo denn scho mol e schritt in richtig plan. was cool wird si, mini liebi leo wird au döt si, und denn macher mer die city unsicher, ooh ja!!!
i suech aber immerno mini eierlegendi-wifebeatertragendi-banderfahreni-wollmilchsau (got it?), resp. theoretisch, wie immer, scho gfunde, aber, au wie immer, isch das doch eher schwiirig die zkriege ...
tjo, am donstig sin leo, mi mami und ich total sophisticated gsi, wider mol, und sin ins theater go shakespeares was ihr wollt go gugge (natürli mitm johnny eugen, hach). sübr gsi, nur kle nackt und mit sehr vill sex und komischer awändig vo mayo/sänf/grüenemschlamm. so vill zum thema über was mer sich ekelt.
au s neue ensemble findet mer nid wirklich do z basel, usser dr aeneas, dä wohnt bi dr kasärne, abr die andere schine eifach nur trugbilder z si. oooder si wohne unter dr brugg.

zum thema dialäkt und so - dr cyrano toppt wirklich alles:
Schwäbisch, Österreichisch, Westfälisch, Pitjing, Grammelot aus Arabisch, African, Swedian, Easteuropean, Italo und Latino (pas mal, hö)
witers:
ungewöhnliche Kreativität
gediegenes Moderations- und explodierendes Improvisationstalent (au das, rächt beidruckend!)
denn hed dä gueti herr no e segelschin und e eigeni kochsändig. (jetzt sin dr aber baff, nid)
me mag au fascht das überen sage: Er öffnet uns die Augen, die Welt neu zu sehen. Er scheint einer von uns zu sein und - ist doch ganz anders!

das wär jetzt e kurzi präsentation vom Florian Müller-Morungen gsi ...
hm, jetzt könte mer uns doch no mit the enemy befasse: Mavie Hörbiger aka. kokskäppli ;)
als erschts: platz nr. 47 bi de 50 beschte deutssprachigen Schauspilerinnen (tjo ...)
zur person: Mavie ist 1,60 Meter gross, hat kurzes blondes Haar und wunderschöne grosse, dunkelgrüne Augen. Ihr süsses Gesicht ist mit zahlreichen Leberflecken verziert, die es noch schöner machen als es ohnehin schon ist. Sie besitz eine perfekte Figur ohne jedes Fettpolster. Ihr flacher Bauch setzt sich wohltuend vom dem ab, was im Sommer an jeder Ecke unter bauchfreien Oberteilen hervorschwabbelt. Sie wirkt sehr zerbrechlich und erweckt dadurch sofort den Beschützerinstinkt eines jeden Mannes. Die Kombination aus makellosem Gesicht und traumhafter Figur macht sie zum Prototyp einer Traumfrau. Man könnte sogar auf den Gedanken kommen, Mavie sei von ausserirdischer Herkunft, da derart attraktive Frauen auf der Erde normalerweise nicht vorkommen. (na toll ...)
au sehr unerreichbar: 2004 landete sie bei der Wahl der "100 Sexiest Women In The World" des Männermagazins FHM auf Platz 3 hinter Britney Spears und Heidi Klum.
will ich do no witermache ... ??!!

hm, guet, mit dere info gang i jetzt betrübter als ich kam von dannen ...

sophisticated wie mir sin, isch am fritig wider theater agstande - CYRANO. Sehr e gwogti interpretation würd i do mol sage, aber hed enorm mim gusto entsproche. gitarre, hübschi jungs, wifebeater (Wife beater: [slang] A sleeveless, ribbed white cotton undershirt ... für alli wo no was wän drzue lerne), schlagzeug und sexy dame in hübsche fast-nichts, und natürlich e härzzerrissendi story ...
und da die uffüerig d derniere gsi isch, heds nochhär im n8cafe au no e derniere party gä. dr sandro aka. aeneas hed imene besagte wifebeater e buechläsig gmacht, übere typ wo alli ort abgod wo rockstars und -stärnli ums läbe ko sin. unterbroche worde isch das immerwider vo lieder und bilder. irgendwenn isch uns denn au s letschte tram abgfahre und uns isch nüt anders übrig bliie, as mit over-30ies paaady zmache, sprich mit em halbe ensemble vom theater basel, almost didnt feel out of place ;) aber mer sin denn au belohnt worde, mit christian, cyrano und aeneas in bandform in, hanis scho erwähnt, wifebeater. jaejo ... isch scho was, so vill talänt uf eim fläck UND denn no in basel (i mein, wer ka scho kölsch, ruhrpott und sächsisch ufs mol ...?!)
ich ha mini erschte 3 sätz vo er emMA gschriibe, fühl mi total guet, jedoch sin si uf änglisch, froged mi nid wieso, aber s sich mer grad irgendwie so igfalle, und was komisch isch, es hed sone desperate houswives erzählerin unterton, oder me könts emel so läse wie die ... aber uf jedefall hani jetzt mol e afang :D

hüt isch also sylvester und mer blicke uf e intersivs, ereignissreichs, asträngends und spanends joor zrugg. da mer das nid wirklich alles in wort ka fasse, gids jetzt e loop for you to admire:


der gymnasiale typ hed natürli bemerkt, dass das nur d helfti isch ... sage mer mol so (total am improvisiere), es isch e vorschau vo dr ... ruggschau. wenn dr also e bizeli zit heied, denn drugged uf WATCH THE SHOW und ihr hän die einmaligi chance dr loop in gross zseh, dorum zögered nid etc etc ...

au mit technische probleem wünsch ich euch allne e guete rutsch ins 2007!!!

d wiehnachtszit hed jo eigetlich offiziell im oktober agfange, aber sit afang dezämber lüchtet und glizeret au bi uns alles. am niggi-näggi daag hed uns ROFRA sogar mit gratis grättimänner überrascht. (ROFRA ISCH COOL!!!) zwar isch mer das biz skeptisch agange, nach em motto: wo ligt dr hoge, aber si hän eim wirklich nur welle grättimänner schängge. und für dä alass hän si sogar die 2 schönschte (alles natürlich relativ) bauarbeiter uspackt wo si uf dere baustell hän chönne finde.
au ganz schön, BASEL'S ROCKIN'! sit geschter zumindescht, wäg irgend somene gschiide heizigsprojekt vo dr iwb wo si wasser ine gsteisschicht 5000 meter unterem bode inejage unds denn heiss wider usechund, bäbt d ärde all paar stunde mol so biz. jedoch geschter am viertel vor sächsi heds denn de basler biz zfill grockt, nämmli richterskala 3,4. und wäg däm wird jetzt das schöne heizigsprojektli unterbroche, bini au drfür, ha nämli kei luscht immer am 4i znacht vomene bäbe wachgrüttlet zwärde.
hüt stod no cambridge a, dorum sött i mol go ...

hüt isch uns eifach s geilste stück info gleisted worde, wo eim in dere ewige schuelkariere cha botte wärde, aber zu däm spöter.
am samstig isch jo die ominösi m-budget party gsi, wo gwüssi lüt hätte sötte erschine, jedoch nid sin. dorum isch dr ganzi plan C au ins wasser keit. wenn mer vo mindistens 3 schlegereie, vilne primate, alkoholexzess und sustige eskapade (gön mer nid witer druf i!) abseht, ischs no ok gsi. jedoch isch d heireis, wie eigentlich immer bi uns, e reins fiasko gsi, aber irgendwenn am 6.20 isch au die letscht vo uns ins bett keit ...

guet, hüt am mittag hed sich usegstellt, dass die horoskop doch mängisch no was wahres hän, gut zu erkennen am fallbeispiel der evelyne k. mit sternzeichen krebs. oder mer hän usegfunde, dass d madame schaffner au in rage cha grote, oder dass gwüssi männer nid kapiere, dass mer si gmeint sin, wenn mer über si, mit ihne redet (das isch jetzt e satz ganz im sinne vo i heart huckabees gsi)
guet jetzt chöme mer aber zum wirkliche ereigniss vom tag. in de letschte 3 minute vo unserer chemie stund hed dr winistörfer eifach s beschte useglo woni in miner ganze schuelkariere je kört ha!

Ja hören Sie meine Damen, seit dem Einsetzen der Pille hier in der Schweiz vor 30 Jahren, ist der Fischbestand in unseren Gewässern drastisch zurückgegangen!

now think about that ...

aber vilicht isch das au e massnahm vo unserem mueterschiff, denn da d fisch unser urin, wo mit pilleschadstoff versüchtsin isch, ufnäme, wird aus männchen plötzlich weibchen. das isch alles wägem evil masterplan vo unserem planet, denn mir hän vor die erde, ja das universum z feminisiere. jetzt, think global act local, fön mer bi de fisch a und schaffe uns langsam zum homo sapiens vor (die männliche, natürlich z verstoh! aber das isch jo rächt logisch, will mir sin jo die wo vomene andere planet chöme, oder isch das anderscht gange?)

da mer das klärt hän, chan i mi jo wider wichtigere sache zuewände ...

jup, ha gfunde sisch mol zit, dass i eifach mol sag, tschou zäme. bi hei gange und ha mol bizeli usgspannt, aber au kleist gläse (heinrich mir grauts vor deinem buche) und volksmusik gsuecht. ha alles andere gfunde, eifach kei fiddle-hüdülüü in mp3 form, nur so hörbispil, pö. drfür norge-country und späremusik us em hoche norde, übrigens disney gids au uf norwegisch, ganz interessant das. und e ganz e hübsches wienachtsliedli, wo sogar ich kenn, jaja, irgendöbbis vo miner verkorkste norwegische erziehig isch sogar bi mir hänge bliibe ;)
da ich das euch jo nid cha vorenthalte, gids wider mol e MEGAUPLOAD:

das wär jetzt norgecountry vom odd nordstoga (heim te mor)
http://www.megaupload.com/de/?d=OS0MMJD1

so, das längt jetzt au mol für hüt, me kas jo as es witers sophisticated special bezeichne, me öffnet sich jo witere horizont und interessiert sich für kulturells, very sophisticated indeed ;)
vill spass bim lose

wie vilicht scho vili lüt bemerkt hän, sin alli sit de herbstferie imene wahnsinnige motivations tief, au ich muess mer do mol sage, aber me versuecht sich immer mit irgendwelche goodies über wasser z halte. eins vo dene wär zum bispiil bob-jane-tarzane-tag bim gaudi gsi. mer hän pizza bagge mit schinke wäll, damit dr käs nid uf dr annika ihre egge lauft und natürli vilne kapere für mi. denn hän mer uns untere stärne himmel im wohnzimmer glegt und hän pride&prejudice für die nögschte 6 stund gluegt. fazit dodrus:
- OH MR BENETTTT!!!!
- 5000 A YEAR ...
- a friend in need, is a friend indeed
- mr bingley seht us wie dr dominik vom ooäl
- inSUFFRERABLE MAN (aka, son of a bitch)
witer gange ischs denn mit hoorstregge ... sehr e idrücklichs erläbniss, denn es macht d hoor wirklich glatt (höhö, glatti sach das), aber das ka mer do live bestune ;)


... innnterresting, jah ... uf jedefall, annika und ich sin denn witers and russedisko und das isch e hammer ufsteller gsi, will sisch wider mol abgange wie nüt. ha denn au usegfunde, dass es e skurils video vo mir gid, und dass me mi drvo kennt (hmm?!), aber das wird bi passendem momänt mol posted ...

die wuche isch e reins tief gsi, sogar d annika wo saumässig guet druf gsi isch, hed eim nid chönne ufheitere. isch wohl alles a mim inspirationstief concerning maturaarbet, gläge. herrje (irgendwelchi idee oder aregige bitte bi de kömentär hinterlo!)
e witers thema wär natürli dr vill diskutierti gymball und jeglichi lüt probiere eim döthi zregkrutiere ... aber ebe, am partner ligts, oder ebe nid, will es gid jo keine. jedoch tendieri mittlerwile zu jo (au ohni charlie ;) )
aber was no vill schlimmer isch, für mi zumindescht, dass d maturande hüt ihre letscht schueltag ka hän ... buhuuu, kei leo me im schuelhuuuus, trurig das!!! aber, do muess i jetzt drüber stoh ...
but now a very sophisticated special: Es schlug mein Herz ... (J.W.Goethe)

Es schlug mein Herz. Geschwind zu Pferde!
Und fort, wild wie ein Held zur Schlacht.
Der Abend wiegte schon die Erde.
Und an den Bergen hing die Nacht.
Schon stund im Nebelkleid die Eiche
Wie ein getürmter Riese da,
Wo Finsternis aus dem Gesträuche
Mit hundert schwarzen Augen sah.

Der Mond von einem Wolkenhügel
Sah schläfrig aus dem Duft hervor,
Die Winde schwangen leise Flügel,
Umsausten schauerlich mein Ohr.
Die Nacht schuf tausend Ungeheuer,
Doch tausendfacher war mein Mut,
Mein Geist war ein verzehrend Feuer,
Mein ganzes Herz zerfloss in Glut.

Ich sah dich, und die milde Freude
Floss aus dem süssen Blick auf mich.
Ganz war mein Herz an deiner Seite,
Und jeder Atemzug für dich.
Ein rosenfarbes Frühlingswetter
Lag auf dem lieblichen Gesicht
Und Zärtlichkeit für mich, ihr Götter,
Ich hofft' es, ich verdient' es nicht.

Der Abschied, wie bedrängt, wie trübe!
Aus deinen Blicken sprach dein Herz.
In deinen Küssen welche Liebe,
O welche Wonne, welcher Schmerz!
Du gingst, ich stund und sah zur Erden
Und sah dir nach mit nassem Blick.
Und doch, welch Glück, geliebt zu werden,
Und lieben, Götter, welch ein Glück!

das wunderbare, professionelle bild verleitet mi zu däm bitrag, und dä, mini liebi alex, isch nur dir gwidmet! so, where was i, genau, i bi grad dra mini bewunderig für di könne uszdrugge und dourm:

i bow my head in awe
you are my inspiration

und wenns mit dr schuel nid klappt, chunsch zu uns ind klass und gosch entweder ins ita oder mit mir ins zeichne, und denn düen mir uns zäme und mache au sone rockfoto.xy site uf, bsorge uns pressepäss und mache superschiggi fotis, bis mer es imperium ufbaut hän!

au das joor ischs wider so wit! basel lüchtet, blinkt, schreit, rast, saust, schwingt, erschrickt, isst, kauft, luegt, stunt, gniessts, friert, ooh-t und freuts ufs neue. die 653. (odr so) Basler-Herbst-Mäss hed agfange ...
am suntig isch unseri familie um e mitlgid richer worde, mer hän nämli jetzt für e wuche e japanische ustusch schüeler, und däm hän mr natürli grad müesse das spektakel go zeige. resultat: dr leo heds fascht ihri neu-erlangene locke gstreckt, mir ischs härz ind hose keit, dr gaudi heds wie immer verdätscht und dr shintarou hed sich glaubs eifach nur gfrogt.
enyway, hüt heds keisse vortrag, und i has gfühl ka, dass i saumässig vill scheiss verzellt ha, aber es hed glaubs no halbwägs gstumme (dr calle hed sich übrigens super ufem hellrumprojektor gmacht, äs natürtalänt halt) und was i am schluss no ane-improvisiert ha - da madame alles no biz gnäuer hed welle wüsse - hed si am beste gfunde. wie sich denn d musig in dene bilder so usdrugge wurd ... tjo, also dr picasso hed natürli ganz klar die abstrakti version gwählt, will er jo dr asicht gsi isch, dass dr betrachter gschid gnue isch um sich e gige vorzstelle, sprich er muess em jo kei abbild lifere, und s gliche hed er wohl au ufd musig bezoge. er hed zwar eifach e statischi gige gmolt, aber wohl welle, dass mer sich d musig vorstellt, sich sini eigeni melodie macht (jaaa, genau, das hedr welle! mhm) dr toulouse-lautrec hingege hed d dynamik und erotik in siner pinselfüerig widerspiegle lo, und me fühlt d musig scho fascht, wo do gspiilt wird (das hed wenigschtens no so halbwägs hand und fuess) und bim musiker aka. calle seht mer jo s kabel und s mikrophon und weiss, dass das luti musig vilicht fascht scho lärm macht (hed si denn zwar nid so igseh, und hed gfunde, jaa wänn mer halt sich in däm metieeee beschäftigt, isch eim das halt scho bekannt -> was immer das heisse mag!)
uf jede fall, es isch ume und jetzt muess i mi nur no uf e mathe-tescht konzentriere! (hehe, nume)
uf jede fall wirds wohl jetzt mol zit zum biz kunst z zeige (i glaub mer erkennt was picasso und was toulouse-lautrec isch, ah jo und d fotos wäre die beschte vom p&l)


und wenn mer doch scho mol so sophisticated mit kunst um uns schmeisse köne mer doch au no es klassischs lied abiete. e wunderbari arie vom pavarotti, die letschte 40 sekunde sin bsunders z empfehle, denn wirds so schön dramatisch, hach so schön!!!

http://www.megaupload.com/?d=30RBTRKD (nomol für alli, näbem 'megaupload'-logo heds e dreistellige buechstabe code, dä eifach ins fäld näbedra igä und denn download drugge, und denn eifach de awisige folge)