... and more time on you!
:D

guys, have an awesome summer!!!

i will jetzt do gar nid so miesepeterig si, aber wie ka scho e wuche wärde, wo mer scho am mänitg ind scheisse gsetzt wird? me könt jo meine schlimmer nid wirklich, aber do liger mer falsch, besser isch si emel nid worde! das mit dr scheisse isch denn übrigens nid im übertragene sinn gmeint gsi ... am letschte mäntig hed mi mi liebe tanzpartner vom velo gschosse (unabsichtlich) und i bi grad imene hundehüfeli glandet (em einzige wit und breit) ... naja do fallt mir nur drzue i: it's not as if he hasn't put me through enough shit already, he litterarly has to throw me into actual shit, how pathetic is that??!!

nun gut, hoffe mer mol die wuche wird besser ...

na freued euch nid zfrüe mini liebe, denn es gid keini und wenn i keini sag, denn meini au keini.
also annika, für di mi spannende alltag e bizzeli nöcher erlütered:
ich stand am 8i uf, iss zmorge (sehr langsam) denn gangi go zehn putze und mi irgendwie ciba-tauglich go härrichte, denn laufi zum tram und nimm das wo grad fahrt, denn fahri durd stadt zur ciba bi dr station gwärbschuel (jetzt wirdi ab bhf au immer mit närvende baselworld turis beschosse) denn gangi durd porte und zeig mi uswiis, i stämple i und stig in lift und fahr in 5. stogg. dört laufi bis ganz hintere zumene zwüsche stogg und gang zu mim büro woni mit em diego teil. denn wirdi mit em satz, hhiiiiii howrrrrr yaaa doing begrüesst und sag meistens druf gooooood and you?, denn schalti mi komputer i und lueg mini mails a, denn machi mi an irgend e liste ane und verbring die nögschte 3 stund demit zahle vo eim ort in andere z kopiere und an gwüsse ort e högli mache und an gwüsse ort e spezielle code igä, spannend oder. guet, denn gangi irgendwo go zmittag ässe, meistens mit mine eltere will mi alli andere meistens versetze, aber so ischs halt. denn gangi zrugg und mach für nomol 2 stund genau s gliche wie obe. denn gangi hei und ha kopfweh, i leg mi ane, am 19.30 gids znacht i lueg nochrichte, gzsz und was immer grad s tvprogramm so abietet am 10i gangi ins bett und am morge fön mer wider vo forne a.
so bittesehr, wenn du do irgendwo newspotenzial sehsch, denn lass es mi wüsse ...

vilicht wär wider mol zit für märli, who knows, wie wärs mit:
das kleine mädchen auf der teeplantage (e alt chinesischs märli us dr ee-fing dynastie),
oder: klein efelu findet arbeit in der feennäherei (e altiirischs nationalmärli vo dr eve mclynn),
oder: der böse sklaventreiber (das wär denn eher us dr sparte 1001 nacht vo dr färnöstlige märlierzehlerin ehfachlin)

falls irgendöbber das alles no list, gänd doch e stimmli ab ;)

„Der Mann übernimmt Verantwortung für das gemeinsame Leben, er weiss, welche Kinder wann Geburtstag oder Flötenstunden haben, wann Müllabfuhr ist und bei wem das Meerschweinchen geimpft wird. Er sieht gut aus, ist durchtrainiert, ein guter Liebhaber und einfühlsamer Gesprächspartner. Daneben ist er beruflich erfolgreich, erledigt dynamisch, kompetent und innovativ seinen Job und verdient erst noch doppelt so viel wie sein Nachbar! Zuverlässigkeit und Fleiss werden vorausgesetzt, in der Freizeit ist er sportlich und unternehmungslustig”

na do hed doch eine mol begriffe um was es god ...

i weiss jetzt au nid genau was uns do erwarted, aber mini liebi leo hed mir grad e link zumene youtube filmli gschiggt, nur hed si mer nid dr link inedo sondern dr html code ... ihr sehnd, i bi genau so gspannt wie ihr ... dr komentar drzue wär emel 'mol luege öb das funktioniert' was könnt das wohl si? me weiss es nid, aber das gheimnis wird jetzt grad glüfted



;) njo, werum nid ...

viel spass beim hören ...

siehe da, scho wider e jöörli umme. isch emel nid grad wenig gloffe im 07, wenn mer rein die akademische errungeschafte minersitz betrachtet, so maturarbet und denn schlussändlig dr heidespass MATUR 007. gewaltig ;)
s neue joor hed doch guet agfange, mit mcdreamies und sustige bekanntschafte, s god aber au trurig witer. s heisst jo jetzt abschiid nä vo liebe lüt wo eim über die letschte joor ans härz gwachse sin, aber dank facebook und studivz und blog und weiss ich was sin mer doch alli in dr virtuelle wält verlinkt. wenn mer doch scho mol drbi sin, s internet ka mängisch rächt hart und 'ufe punkt bringend' si ;):

(do isch jetzt e zensurierts bild ;) )

zum bispiil das do bringts rächt ufe punkt, wies do mit unserer verbindig stod. hart aber wohr ...
aber au s negschte isch rächt passend:

(und do au ;) )

das isch natürlich grad bsunders hart ;)

so mit dere wahnsinns erkenntnis lass ich euch jetzt mini liebe läser ins neue joor und für vili wohl au in e neui ära. alles gueti, lueget zue euch, gänd sorg und bis bald mol wider!!!

p.s.: i rot euch allne a dr komentar vo miner liebe leo zläse, resp azluege und i hoff, dass mir biz meh us unserer matur gno hän, resp, dass mer nid so stroh dumm ändewärde. do hillft au nümm dass si blond isch, will i glaub unseri klass hed do schön s gegeteil bewiise, mir hän, was? e 50% blonde ateil (ka)? ka mi aber trotz mim mathe 5er tüsche ...

so, und jetzt läsed mol wie ironisch mini stärne mit mir sin ...

Steinbock
In Herzensangelegenheiten scheint es dein Happyweekend schlechthin zu sein. Liebe, Lust und Leidenschaft - da ist alles drin. Die rosarote Brille steht dir gut. Geniess deine Verliebtheit, aber bleib trotzdem realistisch.

buhuuu, wie bös isch das denn? do blibe mer doch grad dehei und lerne ...