very tempting indeed, vorallem da unser gott JASPER jo döt spiilt, und mer en scho lang nümm gseh hän, und wenn mer doch scho mol e musiker so 'guet' kennt, denn muess mer die beziehige jo eigentlich pfläge, nid wohr ...
enyway, ha mol eifach so, ohni irgend e intention und mit em genaue wüsse, dass d leo oder suscht wer au gar kei zit wird ha, nochegluegt, was es denn do so für flüg gid. alles in allem mit ball wär denn das an die 200 stuz, aber s würd perfekt ufgo ... hihi, mer gön nämli ane, chöme so uf die 5i a, d türe gön am 7ni uf, den gids paadypaadypaady bis am 6i (wie i uns kenn mache mer eh vorhär schlapp) dorum längs au grad uf e flug wo ca. am 7ni isch.

jaja e schöni utopie wo mer au ganz schnäll wider vergässe ... blub



http://www.megaupload.com/de/?d=EVS50JKQ
http://www.megaupload.com/de/?d=C1UXZPPM

so, und do no zwei föteli zum abelade, made by me am legendäre peace&love 06 (zum abelade eifach dr buechstabe code näbem megaupladsign igä und uf download drugge)

here’s the deepest secret nobody knows
here’s the root of the root
and the butt of the butt
and the sky of the sky
of the tree called life.
when i first met candy birds filled the sky ...

jaha, so wird mer vo jetzt a jede morge begrüesst, denn e riisigs schild vor dr schuel (nid z überseh!) verkündet die weise wort. naja, me ka sich denn wohl immerhin as kluge kopf bezeichne, aber jo, das wär denn es anders thema ...
uf jede fall, woni denn so schön näbem fäld gloffe bi und mir überlegt ha öbs jetzt avec mes propres pieds oder à mes propres pieds oder keis vo beidem heisst, saust doch wirklich d patrouille suisse in irgend ere gschide formation an mir vorbi. sau luftverschmutzig, das!
nach 2 stund hard-core franz chum i emel hei ud freu mi uf e paar episode vo LOST, aber nei, das wird mer jo au nid vergönnt, denn d madame de menage schnurt doch wirklich sage und schreibe 20 volli minute im schnällschte mec-truc-français uf mi i. vo allne klage und wewehchen und wie schlimms ere doch gieng ... jaja, evelyn isch jo guet im zuelose, jedoch hani mer eifach die ganz zit überlegtl, für wie fill folge vo LOST es mir no länge wurd ... und damit i no eini inekrieg, beände mer mer dä schöni itrag maintenant.

MAY I PROUDLY PRESENT TO YOU THE NEW VIDEO BY SUGARPLUM FAIRY:
MARYGOLD



(oh god, i'm genious!)

und es gid wider e neue bio-mensche witz:

s renne 2 bio-mensche znacht dure wald
*schüttel-schüttel-schüttel*

jaja, was gids neus ... mini maturarbet gammlet immerno vor sich ahne, ohni dass i au nur e biz vonere erlüchtig ka ha, dr umbau isch wirklich e wahnsinns ding (man rechne 20 minute zum vo dr aula 2 kaffes zhole und wider zrugg zgo ...), d evakuations üebig isch dr reinscht erfolg gsi, sprich alli wüsse wenigschtens jetzt wod notusgäng wäre, dr herbst hed ganz offiziell agfange, denn es isch dunkel am morge und obe und es isch nass ... öhm ... mini teschtwälle vo vor dr ferie hani no mehr odr weniger guet überstande (emel so guet, dass jetzt brokeback mountain zu miner dvd-sammlig khört), dr felix god fremd, mer müen uf 8x4m e studäntewohnig baue mit allem inklusive, schier unmöglich, aber au das god irgendwie, ich weiss immernoni was us miner zuekunft wärde söll und halt eifach so dr üblich tages-blab ...

jetzt heds für alli färnschwärmer und 30er joor interessierti no e schöne megaupload (bitte eifach so uspräche wie mers schribt!)
http://www.megaupload.com/?d=I14PNPQG (cha halt nid so schiggi wörter as link nä, apple-user wärde ebe immer diskriminiert :( )

wenns denn das tolle video vo dr evakuation/evakuierig/whatever gid, wird ich das euch natürlich nid vorenthalte!

ICH KA KUM DRUF WARTE BIS ES 7NI ISCH!!!! OH GOTT

in basel sin mer guet acho, au wenn d kiddies all 5 minute gfrogt hän, wo mer seige und wie langs no gieng (zwüsche landquart und basel, nümm so lang). i ha se probiert mit musig und zeichne z unterhalte und wo the one and only SHE cho isch, hani gfunde, du florina, dä sänger will i hürote, aber dä will mi nid (natürli sehr ironisch gmeint). uf jede fall lost si das schöne lied für e wiili, und denn seid si sehr guet erkannt: weisch evelyn, filicht findet er di eifach nid schön. ... jap, i glaub das bringts haargenau ufe punkt.
hüt hän mer au wider volls programm ka, am morge sin mer ins naturhistorische museum gange und hän alles aguggt. jedoch isch dr berüemti dino kaputt gsi, und isch in hinterhof abgschobe worde. arms ding ...
am nomitag sin mer es witers meisterwärk vo disney&pixars, nämli cars, go gugge. interessanti sach das, härzig jedoch nid so vill witz wie anderi us dere produktion, aber alles in allem ok ;)
vor mer ins kino gange sin, bini no schnäll ins roxy gone babyshambels ticket kaufe. hani also mini 2 kiddies packt, bi in dä cd-lade ine und ha gfrogt öb ich ächtsch chönt es babyshambels ticket chaufe. d verkaufsdüse hed zerscht d kinder, und denn mi gmuschteret und heds warschins saumässig skuril gfunde. aber no komischer hätt sis wohl gfunde, wenn i 3 tix hätt welle ;)
jetzt chund denn no d birgit übere und mer mache e film obig, sofärn i nid ischlof ...

au hüt hed dr tag am 7ni mit ere fisch-erlüchtig agfange, aber mit ere tasse kaffee vertreit mer au das. jetzt blüeht mir denn e zält-abentür in dr stube, jedoch hani mi vorhär no biz schlau gmacht über unseri lieblings schwede, und bi zu üsserscht erstunliche erkenntnisse cho ...

1. do gids e super indie-credible page: http://www.indiepedia.de/
2. döt gids super indie-credible insider informations
3. Gustaf und seine Ehefrau Pernilla haben im September 2006 ihr erstes gemeinsames Kind bekommen. Einen Sohn namens Josef.

Josef ... w-t-f???!!! naja, ha mer jetzt scho was, sage mer, biz speziellers vorgstellt, aber tjo, jedem das seine ...

mer hän jetzt 22:28, und d kiddies sin im bett, resp. im zält, und wärde hoffentlich irgendwenn gli ischlofe! mr. thommas sitzt wider näbe mir und mer luege uf e witere intensive daag zrugg ...
highlight vo hüt: definitiv disco mit the bosshoss, jedoch au s blaue aug vom luca stod rächt wit obe ;) tjo, so sache passiere halt
ah jo, ganz vergässe, härzattacke pur wägeme fucking 3 cm lange fiech wo mir ind hose krabblet isch, do hanis nümm so gseh, bi so - churz drvo gsi, d kiddies z packe und nach basel zgo ... im pischi! jawohl. aber jetzt ischs misteriously verschwunde, und keine hed e ahnig was mitem passiert isch, dorum hogg i immerno uf nodle und bi voll paranoid. jaja, ich mit minere insectofobie ...

mir vermerke, es isch 22:52 und die monster schlofe immernoni
bis vorhär bini no mit mr. thomas aka thommy the second am ufrume und langsami musig lose gsi, aber denn hed sich e logistischs problem mit dr schlofverteilig bildet, denn monster 1 isch müde gsi und monster 2 nid. hoffe mer mol es funktioniert jetzt. kinder erzieh isch die reinschti diktatur und tyrannei!!! vilicht will i doch kei schlag voll ...
witers chund no drzue, dass mis ganze kreative repertoire hüt scho ufbrucht isch. guet, es blibt immerno e super tolle usflug uf chur, jedoch isch morn suntig, sprich booooring. i würd mol sage, mer starte dr tag wider (nach, vermerkt, ere schloflose nacht, mit skurile calle-träum, näbeme aquarium, wo am 7ni am morge afod lüchte. grrr, fucking fish!) um 8.30 mit topfit lune und allne sinn parat für e super nutella-schmier zmorgon, yeeehaaaw. und denn gods witer im programm mit, würdsch bitte go zehnbutze (das wird no ca. 20 mol widerholt, denn fod mer innerlich afo duredreie, es staue sich agressione uf, und mer probiert coooool zbliibe, hach), wie wärs mit azie, wär au no sone klassiker, aber jo. (ou, do fallt mer grad i, morn heissts zimmer ufrume, ai, bisi das ha, wird e pflume mi no eher hürote ...)
uf jede fall, jetzt mache mr blindi chue, denn irgendwenn zmitttag (wo natürlich monster 2 nüt isst ...), denn bastle, denn spiili, drzwüsche film, nomol film, und ach jo, scho erwähnt, denn luege mer no e film, guet guet, denn spiili, e mini nap für mi (mer rede do immerhin vo 3 stunde schlof, do bruchts mol biz pause), spiili, znacht, und denn fod d schlacht erscht rächt a, nämmli, soo mini liebe, jetzt gön mer ins bett, hahaaa (slowly-going-insane) ...
ah jo, hani erwähnt, zu däm hushalt ghöre no 3 hase, 10 fisch (i doubt they'll survive), 2 hünd (sin jetzt aber abgä) und 2 katze (fruchtfliege und anders ungeziever nid drzue zellt!) ...
enyway, guet nacht!

huhu, hüt hani öbbis fürd maturaarbet gmacht. und zwar alli mini bildi usgschnitte und igordnet, in sänger mit gitarre, sänger mit aber ohni mikrofon, sänger mit allem aber ohni singe, kinder, am gitter, händ, working, crowd, people walking, 2x special, und und und (das wäre jetzt nur die schwarz/wisse gsi...)
rächt wenig, aber s gid eim s gfühl, dass mer für 3 stund öbbis sinnvolls gmacht hed.

und jetzt gangi go schlofe ...

useme wunderbare afall vo spontanität und 'mir sin nur eimol jung' hän mer uns denn doch entschide, nach züri zgo. do hän mer e täsche, wo sich as üsserscht bruchbar entpuppt hed, uskramt und alles dri packt wo mer für e tag in dr grossstadt brucht. mittunter natürlich nagellack, es signierts fläschli, schoggi, schals, gäld, uswis ... an sunschte binich total indie gsi, mit horreiff, blüemli im hoor und komischem chnöpfli arband. zum zmittag heds verschufti schupfnudle vo dr betty bossy à la evelyn gä.
mim papa hän mer denn verzellt, mer giengte uf züri go shoppe, aber dä hed mir das denn nid glaubt, dorum hed au niemer gwüsst, dass ich in züri bi, au mol öbbis.
guet, am bhf acho sin mer denn mitem erschte zug uf frick gfahre und sage und schreibe 40 minute döt fescht gsässe. aber für söttig fäll hed mer jo nagellack zums indie outfit komplet mache und e gschiids heftli mit tolle tips für it-girls.
und denn sin mer ändli in unserer heimat swaziland acho. als erschts natürli ins turistbyrå und e charte vo züri gholt und denn ind bahnhofstross go maskara sueche. leo hed die au bi loreal gfunde, ganz e skurils ding ohni büüürschteliii (bitte sehr zürcherisch!) aber mit wahsinns volume effäkt. tjå, und denn hän mer uf tarnti talentscouts und versteggti rockstjärnes gwartet, aber keinem vo beidem simer begegnet. boho und black white temtation sin halt ebe nid so ufgfalle.
irgendwenn hän mer uns denn au ufe wäg zum abart gmacht und s scho fascht verpasst, wäre mer nid bim rüdiger nach eden gange und siehe da, unseri beschte kollege us schörmeni (wo übrigens au scho in borland und basel gsi sin) sin au scho döt gsi, toll toll.
da mer no gnüegend zit bis zur türöffnig ka hän, hän mer uns kurzentschlosse für e spontanbsuech bim andi entschide, und siehe da, d sylvia isch au döt gsi. yay!!! hätti nid dängt.
aber jetzt heds keisse spute, dass mer no rächtzitig ine chöme. und wo mer do so nichtsahnend in dr schlange gstande sin, taucht eifach the one and only emma svenson uf. ohni vorwarnig! also, nix wie los und si aspräche ... aber das thema chund nochhär. zerscht mol e tolle loop...
guet, chöme mer zum emma-problem...wie immer gods natürlich ume erschti satz, und da, sooo hows björn in bed oder with how many of the guys did you actualy have sexual intercourse nid so d lösig gsi isch, hän mer uns halt wider mol uf naiv gstellt und uns uf are you from rockfoto, because i think i saw you at the peace&love geinigt, und nach langem hi und här und nacheme pina colada, hanis sogar gschafft.
sehr nätti dame und sehr hilfsbereit, ha sogar ihri email adrässe, woni au uf dr homepage usegfunde hätt, aber i ha se hand gschribe, uuuu.
ju, und dr räscht isch konzärt gsi ...

hu, dr lang erwarteti suntig has finally arrived. nachdäm mer e wuche of complete torture überstande und no mehr oder weniger glorrich überwunde hän, wärde mer ändlich gebührend belohnt, und zwar mit 5 sexy schwede wo no tolleri musig mache.
d anne, wonich iglade ha zu däm unvergässliche ereignis, isch vorhär zu mir cho und ich hanere e chlini ifüerig ind materie sugarplum fairy gä. jedoch hed si sich mehr füre felix interessiert. aber drnoch hän mer uns denn ufe wäg ind kasärne gmacht und an dr schiffländi hani denn gmerkt, dass ich mi ticket vergässe ha. guet, usgschtige, im nögschte bus wider hei gfahre, ticket gholt, und ab die post zur kasärne.
dört acho, hän leo und ich uns müesse gege schlimmi vorurteil wehre, da jede dänggt hed, mir wäre groopies ... jedoch, würde groopies zum hinterigang ine go, im tourbus hausiere, e backstage all access (for all of the tour) pass ha und kei ticket benötige. das hän die aber nid welle begriffe. you will all see!
crazy fans sin mer übrigens au nid
enyway, d vorband isch ok gsi, aber d leo, anne und ich sin glich usegange und hän über körperbehorig gredet.
zum dance of the sugarplum fairy definitley nid vo sugarplum fairy sin die herre denn ufd büni trottet und d show hed agfange.
natürlich wider mol unbeschriibebar, vorallem da es für uns jo e heimspiil gsi isch, aber uuuuu, eifach nur himmlisch
...


denn hän mer d bekanntschaft gmacht mit em busdriver, wo saumässig wenig humor ka hed. hed uf jede fall dr 'buuusschofföööör'-witz gar nid toll gfunde ... eifach kei bildig und ahnig vo wahrer kunst die lüt, und heifahre hedr uns au nid welle, dä lümmel. hed gfunde er seig kei taxidriver, jedoch seh ich dr unterschid zwüsche e band vo A nach B z fahre und drfür bezahlt zwärde, und normali lüt vo A nach B z fahre und drfür bezahlt zwärde nid so ganz, aber das macht nüt, bi jo au kei groopie.
tjo, denn hani halt müesse d vorband froge, öb die nid vilicht lust hätte dr busschoför witz zhöre, und ach männer sin doch so durchschaubar, hän uns doch glatt heigfahre. (mer müen jo an dere stell nid erwähne, dass si d autobahn nid gfunde hätte, aber die isch jo sozusage grad nach bottmige gsi)
und so sin mer denn au in unseri kisse gfalle und hän vo calles, viktors und andere pflümli träumt ...