liebi läserinne und läser, s schicksal (odr dr zuefall, oder suscht irgend e höcheri macht wo alles länkt) heds doch wirklich z stand brocht mi mim mcdreamy übere wäg laufe z lo. jaha, stelled euch das mol vor. uf jedefall isch jo s JKF gsi (für alli nid basler: Jugend Kultur Festival), und döt hän gwüssi parteie d glegeheit usgnutzt, propaganda zmache, und vo dere länkende kraft (dismol d leo) bini au schön zu däm stand hi drängt worde. peinlicher wis hani denn für 5 minute probiert ihm z erkläre wär ich genau bi, und nachdäm ers denn au kapiert hed (ahhhh du bisch die wo ...), hedr mr e wärbekärtli und e chili schote ind hand druggt. ich -fascht dahin gschmolze und warschins hochrot- bi wider devodäppeled und bi dr ganz obe kle usem hüsli gsi. jaja so isch das halt.
aber dr bescht kund jo erscht no. am nägschte morge packi dä gueti herr in karteform us und legen ufe kuchitisch und mach mi dra la peste fertig z läse, do hör i wies mami irgendwas in dr chuchi murmlet. uf jedefall hed sich denn usegstellt, dass ich mi mcdreamy (vo däm i fürs letschte halbe joor allne vorgschwärmt ha, und überzügt gsi bi, dass me sich soweiso nümm trifft) eigentlich -in dr theorie- scho sit ewigs kenn (und mit ewigs isch eigentlich so sit mim entstoh gmeint) und dass mir au e babyfoto obe imene album hän. na wenn sich das nid mol ironie des schicksals nennt ... oder wohl au eifach nur awkward moment.
und jetzt liebi läserInne obwohl i e zimlichs stügg witer bi in sache mcderamy und so, bini glich wider amene punkt acho, wos nümm witergod (usser irgendöbber hed e super schlachtplan für mi ... anyone?) jaejo, vilicht lön mer mi neue best buddy aka schicksal/zuefall/höcheri macht eifach seines amtes walte und hoffe, dass sich das scho irgendwie zum guete wändet.

und wenn mer doch scho mol in sonere mcdreamy-phase sin, chönedr e mcschnulz video mit eme mcschnulz lied und 2 anderne mcdreamies luege (OMG, was isch mit mir los, ich mach mir angscht!!!)